ఓ !! ఈ రోజు పండుగా ???

ఎంటి వీడికి ఎమైంది ఇలా అడుగుతున్నాడు అనుకుంటున్నారా ???

ఇక్కడికి (US) వచ్చాక పరిస్థితి అలాగే మారింది !!!

పడమటి సంధ్యారాగం సినిమాలో చూసి ఏదో అనుకున్నా, మరీ అలా ఉంటామా ? ఇంట్లో వాళ్ళతో ఫోనులో మాట్లాడుతూనే ఉంటాము కదా, ఆ మాత్రం తెలియకుండా ఉంటుందా అని....

పండగ ఎప్పుడు వస్తుందో తెలుస్తుంది, కానీ పండగ చేసేది ఎవరు ఇక్కడ ???

పండగ చేయడం అనగానే పోకిరి సినిమాలో బ్రహ్మానందం గుర్తుకువస్తున్నడేమో...

ఇంతకీ ఎంటిరా వీడి బాధ అనుకుంటున్నారు కదా ????

ఏమి చెప్పను ? నా బాధ ఎంటో నాకే తెలియడం లేదు...

దీపావళి.....

ఇంటి దగ్గర ఉంటే ఎంత బాగా చేసుకునే వాళ్ళం ??

పొద్దున్నే తలారా స్నానాలు లేవు, అమ్మ వండిన పిండి వంటలు లేవు, పూజలు పునస్కారాలు లేవు, దీపాలు లేవు, టపాసులు లేవు, మిఠాయిలు లేవు, ఆటలు లేవు, పాటలు లేవు, అక్కలు లేరు, అన్నలు లేరు, తమ్ముళ్ళు లేరు, చెల్లెళ్ళు లేరు, అసలు ఎవరు ఉన్నారు ?? ఎవరూ లేరు ..

ఒక్కటి మాత్రం ఉంది...... అదే $$ మీద మోజు....

కొన్ని కావాలి అంటే కొన్ని వదులుకోక తప్పదు అని పెద్దలు ఎప్పుడో అన్నారు కదా...

ఇది కూడా దాని కిందకే వస్తుందేమో....

ఎమి చేస్తాం ???

జీవితం ఇంతే....